Quantcast
Channel: Autores – Brétemas
Viewing all articles
Browse latest Browse all 1174

Onte 2134: «Cadernos persoais» no 25 cabodano de Lois Pereiro

$
0
0

Tras a celebración do ano Lois Pereiro (2011) quedara pendente a edición dos cadernos de viaxe e das notas do diario dos seus derradeiros meses. Asumido inicialmente por Xerais, que encargara a Héctor Cajaraville a transcrición, edición e anotación dos textos, culmínase agora o proxecto editorial da man da editorial Chan da Pólvora, cando este 24 de maio se cumpren 25 anos do pasamento do poeta monfortino. Unha fermosa edición que recolle o texto das notas de viaxe que escribiu en cinco pequenas libretas entre 1989 e 1993, nas viaxes que fixo por Europa, ademais das anotacións realizadas na axenda que lle agasallara Isabel Romero, muller do seu irmán Josito, que constitúen un diario dos derradeiros días da súa vida, entre xaneiro e abril de 1996.

Edición completada por unha escolma de imaxes dos cadernos e por dous excelentes textos epilogais: o primeiro do profesor monfortino Fernando Saco, amigo de Lois Pereiro dende a adolescencia e compañeiro de moitas das súas viaxes; o segundo de Inés Pereiro, a súa irmá, tamén outra das súas compañeiras de viaxe. Cadernos persoais é un libro híbrido, entre a axenda de viaxe e o diario persoal, onde LP ensaia textos de futuros poemas, ideas para relatos, aforismos, citas musicais e literarias, ou sinxelamente relata con brevidade vivencias e aconteceres de viaxe. Na súa maior parte escrito en galego, aínda que LP incorpora outras linguas (castelán, francés, inglés e alemán), estes textos de espírito íntimo expresan a súa paixón pola vida concibida como unha viaxe compartida, mais tamén da viaxe (preferiblemente en tren e acompañada) como experiencia de goce e descuberta, como expresa Inés Pereiro, «a viaxe como unha forma de somerxerse na vida». Páxinas moi emocionantes, unha marabillosa exaltación da amizade e do amor, algunhas excepcionais, como as do diario que pecha o volume. Un libro escrito con toda a forza e a paixón de quen nunca se rendiu. Paga moito a pena. Sempre Lois!


Viewing all articles
Browse latest Browse all 1174

Trending Articles


SONIA PRUDENTE LÓPEZ [19.220]


ELOY VAQUERO CANTILLO [11.354]


JOSÉ LUIS MEJÍA HUAMÁN [12.859]


EDELMA ZAPATA PÉREZ [14.194] Poeta de Colombia


BEATRIZ MIRALLES [15.384]


MANUEL ALFONSO ESTÉVEZ [9810]


ROCÍO MORAGAS [19.420]


Echo Echo, Ben 10


Rey Lich


BLANCA VANINI SILVA [17.102] Poeta de Chile


Goku tamaño real


CARLOS ACUÑA NUÑEZ [12.009]


GLORIA BIRD [14.017]


JUAN RAMÓN ARDÓN [14.376] Poeta de Honduras


GOTZON ALEMÁN [16.377]


ISABEL DE CASTRO Y ANDRADE [18.411]


PILAR ARANDA [19.527]


Gogeta


Piccolo


JULIO ABELARDO LUZA GIRONZINI [10.255]